Patan News: પારિવારિક ઝઘડામાં સાળાઓએ ગાડીમાં જતા બનેવીનું અપહરણ કરી લાકડીઓથી માર માર્યો

પાટણમાં પારિવારિક ઝગડાએ ઉગ્ર સ્વરૂપ ધારણ કરતાં મામલો પોલીસ સ્ટેશન પહોંચ્યો હતો. સાળાઓએ બનેવીનું અપહરણ કરી ધોકાઓ વડે માર માર્યો હતો. આ મામલે કુણેધર ગામના પાંચ લોકો સહિત સાત લોકો સામે ફરિયાદ દાખલ કરવામાં આવી છે. પોલીસે ફરિયાદ નોંધી વધુ તપાસ હાથ ધરી છે.

પારિવારિક ઝગડામાં અપહરણ કરીને માર માર્યો

પ્રાપ્ત વિગતો પ્રમાણે પાટણના કુણેધર ગામમાં પારિવારિક ઝગડામાં BMW ગાડીમાં આવેલા સાળાઓએ ગાડીમાં જતા બનેવીને રોકીને લાકડીઓ વડે માર માર્યો હતો. ત્યાર બાદ તેનું અપહરણ કરી પાટણના મલ્હાર બંગ્લોઝ ખાતે લઇ ગયા જ્યાં અન્ય લોકો દ્વારા પણ માર મારવામાં આવ્યો હતો. આ ઘટના અંગે બનેવીએ કુણેધર ગામના પાંચ સહિત સાત લોકો સામે ફરિયાદ કરી છે.

પોલીસે ફરિયાદ નોંધી વધુ તપાસ હાથ ધરી

પાટણ બી ડીવીજન પોલીસ સ્ટેશનમાં ફરિયાદ નોંધાયા બાદ પોલીસે સમગ્ર બાબતે વધુ તપાસ હાથ ધરી છે. પારિવારિક ઝઘડા મુદ્દે થયેલી આ બાબલથી સમગ્ર પંથકમાં ચર્ચાઓ શરૂ થઈ ગઈ છે. સાળાઓએ બનેવીનું અપહરણ કરીને માર મારતા મામલો ટોક ઓફ ધ ટાઉન બન્યો હતો. પોલીસે માર મારનારા લોકો સામે ફરિયાદ નોંધીને વધુ કાર્યવાહી હાથ ધરી છે.