રાજકોટ જિલ્લાના જેતપુર વિસ્તારમાં આવેલા સોલર પ્લાન્ટમાંથી કિંમતી સાધનો અને સામગ્રીની ચોરી થવાની ચોંકાવનારી ઘટના સામે આવી હતી. આ ઘટનાને પગલે રાજકોટ ગ્રામ્ય એલસીબી (LCB) ની ટીમે તાત્કાલિક હરકતમાં આવીને ચોરીનો આ ભેદ ઉકેલવા માટે તજવીજ હાથ ધરી હતી. સીસીટીવી ફૂટેજ, બાતમીદારો અને ટેકનિકલ સર્વેલન્સના આધારે પોલીસે સઘન તપાસ ચલાવીને સોલર પ્લાન્ટને નિશાન બનાવનાર શાતિર ચોરોની ગેંગનો પર્દાફાશ કરવામાં સફળતા મેળવી છે.
5 આરોપીઓની ધરપકડ અને 16 નંગ સોલર કબ્જે
ગ્રામ્ય LCB ની ટીમે ચોક્કસ બાતમીના આધારે દરોડો પાડીને ચોરીના આ ગુનામાં સામેલ 5 જેટલા આરોપીઓને ઝડપી પાડ્યા છે. પોલીસની કડક પૂછપરછમાં આરોપીઓએ જેતપુર સોલર પ્લાન્ટમાંથી ચોરી કરી હોવાની કબૂલાત કરી હતી. પોલીસે આરોપીઓ પાસે થકી ચોરીમાં ગયેલા સોલર પ્લાન્ટના 16 નંગ કિંમતી સાધનો/પેનલો સફળતાપૂર્વક કબ્જે કરી લીધા છે.