સુરત શહેરમાં નશીલા પદાર્થોના ગેરકાયદેસર વેચાણ સામે પોલીસે લાલ આંખ કરી છે, જેના ભાગરૂપે પોલીસે બાતમીના આધારે દરોડો પાડીને પ્રતિબંધિત કફ સિરપના જથ્થા સાથે એક ઈસમની ધરપકડ કરી છે. ઝડપાયેલા આરોપીની ઓળખ ફરદીનખાન પઠાણ તરીકે થઈ છે. નશાના કારોબારમાં સંકળાયેલા આ શખ્સને ઝડપી પાડીને પોલીસે ગેરકાયદેસર પ્રવૃત્તિઓ પર લગામ લગાવવા મહત્વનું પગલું ભર્યું છે.
105 બોટલ કોડીન સિરપ સાથે NDPS હેઠળ ગુનો
પોલીસે ઘટનાસ્થળેથી નશા તરીકે વપરાતી કોડીન સિરપની કુલ 105 બોટલો જપ્ત કરી છે. આટલી મોટી માત્રામાં મળી આવેલા પ્રતિબંધિત જથ્થા બાદ પોલીસે આરોપી સામે એનડીપીએસ (NDPS) એક્ટ હેઠળ ગુનો દાખલ કરીને આગળની કાયદેસરની તજવીજ હાથ ધરી છે.