સોશિયલ મીડિયા પર અવારનવાર વિવાદોમાં રહેતી રીલ સ્ટાર કીર્તિ પટેલ ફરી એકવાર મોટી મુશ્કેલીમાં મુકાઈ છે. સુરતમાં પોલીસ સ્ટેશનની બહાર કીર્તિ પટેલે જોરજોરથી બૂમબરાડા પાડીને ભારે હોબાળો મચાવ્યો હતો. જેનો વીડિયો પણ સોશિયલ મીડિયા પર વાયરલ થયો છે.આ મામલે હવે સુરતના પુણા પોલીસ સ્ટેશનમાં કીર્તિ પટેલ તેમજ સસ્પેન્ડેડ મહિલા પોલીસ કોન્સ્ટેબલ નયના બારૈયા સામે વિધિવત રીતે FIR નોંધવામાં આવી છે.
પુણા પોલીસ મથકમાં સંયુક્ત રીતે ફરિયાદ દાખલ
પોલીસ ફરિયાદમાં કરાયેલા આક્ષેપ અનુસાર, કીર્તિ પટેલ અને નયના બારૈયાએ પરિવાર વિશે સોશિયલ મીડિયા પર બદનક્ષીકારક તેમજ વાંધાજનક વીડિયો અપલોડ કર્યા હતા. આ ઉપરાંત, ફરિયાદી પક્ષને જાનથી મારી નાખવાની ધમકીઓ આપી હોવાનો પણ ફરિયાદમાં સ્પષ્ટ ઉલ્લેખ કરવામાં આવ્યો છે. આ સમગ્ર મામલે સુરતના વેપારી રાજુભાઈ ભમ્મર તેમજ બોરડા ગામના સરપંચના પતિ દ્વારા પુણા પોલીસ મથકમાં સંયુક્ત રીતે આ ફરિયાદ દાખલ કરાવવામાં આવી છે.