રાજકોટ શહેરમાંથી અવારનવાર નબીરાઓ દ્વારા પૂરપાટ ઝડપે કાર ચલાવીને કે જોખમી સ્ટંટ કરીને રીલ બનાવવાની ઘટનાઓ સામે આવતી હોય છે. પરંતુ આ વખતે સોશિયલ મીડિયા પર એક તદ્દન અલગ જ પ્રકારનો વીડિયો જોરદાર વાયરલ થઈ રહ્યો છે. વાયરલ થઈ રહેલા આ વીડિયોમાં કોઈ યુવાન કે નબીરો નહીં, પરંતુ એક વૃદ્ધા કાળા કલરની વૈભવી સ્કોર્પિયો કારમાં જોખમી સ્ટંટ કરતા જોવા મળી રહ્યા છે.
https://www.instagram.com/reel/Dar1XQ5DDRV/
કાળા કલરની સ્કોર્પિયો કારમાં કર્યા સ્ટંટ
ઉંમરના આ પડાવે વૃદ્ધા દ્વારા કરવામાં આવેલા આ જોખમી સ્ટંટે સોશિયલ મીડિયા યુઝર્સનું ભારે ધ્યાન ખેંચ્યું છે અને આ વીડિયો વાયરલ થતાં જ ચર્ચાનો વિષય બન્યો છે.સોશિયલ મીડિયા પ્લેટફોર્મ પર ધૂમ મચાવી રહેલા આ વીડિયોમાં સ્પષ્ટ જોઈ શકાય છે કે, વૃદ્ધા ચાલુ ગાડીએ જોખમી રીતે સ્ટંટ કરી રહ્યા છે. આ ઘટના જે કારમાં અંજામ આપવામાં આવી છે તેનો નંબર GJ03PR0010 હોવાનું વીડિયોમાં સ્પષ્ટપણે જોઈ શકાય છે. કાળા કલરની આ સ્કોર્પિયો કારમાં વૃદ્ધાનો અંદાજ અને તેમની સ્ટંટ કરવાની રીત જોઈને લોકો આશ્ચર્યચકિત થઈ ગયા છે.