સુરતમાં જમીન ક્લિયર કરાવવાના નામે છેતરપિંડીનો વધુ એક કિસ્સો પ્રકાશમાં આવ્યો છે. કતારગામ વિસ્તારના એક વેપારી પાસે સરકારી જમીન ક્લિયર કરાવી આપવાના બહાને ગાંધીનગરના એક શખ્સે કુલ રૂપિયા 1,05,00,000 (1.05 કરોડ) પડાવી લીધા હોવાની ફરિયાદ સુરત ક્રાઈમ બ્રાન્ચમાં નોંધાઈ છે.
કતારગામના વેપારી સાથે 1.05 કરોડની ઠગાઈ
મળતી માહિતી મુજબ, ગાંધીનગર ખાતે રહેતા ગાંડાભાઈ કચરાભાઈ પ્રજાપતિ નામના શખ્સે કતારગામના વેપારીનો સંપર્ક કર્યો હતો. તેણે વેપારીને વિશ્વાસમાં લીધા હતા કે તે સરકારી કચેરીઓમાં વગ ધરાવે છે અને અટવાયેલી જમીનો ક્લિયર કરાવી શકે છે. આ લાલચમાં આવીને વેપારીએ અલગ-અલગ સમયે કુલ 1.05 કરોડ રૂપિયા ચૂકવ્યા હતા.