સુરત શહેરમાં નશાકારક પદાર્થોના દૂષણને નાથવા માટે પોલીસ સતત કાર્યવાહી કરી રહી છે. કડક કાર્યવાહીના ભાગરૂપે અમરોલી પોલીસ સ્ટેશનની ટીમે ગુપ્ત માહિતીના આધારે દરોડો પાડીને એક ઈસમને ગેરકાયદેસર નશાકારક પદાર્થ સાથે પકડી પાડ્યો છે. પોલીસે આ દરોડા દરમિયાન આરોપી પાસેથી ગાંજાનો જથ્થો જપ્ત કરીને કાયદેસરની કાર્યવાહી હાથ ધરી છે.
આરોપી પાસેથી રૂ. 99,850 ની કિંમતનો ગાંજો જપ્ત
અમરોલી પોલીસે હાથ ધરેલી આ સફળ કામગીરી દરમિયાન આરોપી ભૂરાશંકર પરીડાની ધરપકડ કરવામાં આવી છે. પોલીસે આરોપીના કબજામાંથી કુલ 1.997 કિલોગ્રામ નશાકારક ગાંજો શોધી કાઢ્યો હતો. બજાર કિંમત મુજબ આ જપ્ત કરાયેલા ગાંજાની કિંમત રૂ. 99,850 અંદાજવામાં આવી છે. પોલીસે તમામ મુદ્દામાલ કબજે લીધો છે.
