ગુજરાતના સુરત (Surat) શહેરના ભેસ્તાન (Bhestan) વિસ્તારમાંથી ભેસ્તાન પોલીસે (Bhestan Police) એક મોટી સફળતા મેળવીને આંતરરાજ્ય સાયબર ફ્રોડ ટોળકી (Interstate Cyber Fraud Gang) નો પર્દાફાશ કર્યો છે. પોલીસે ભેસ્તાન રાજ ઇન્ડસ્ટ્રીયલ વિસ્તાર (Bhestan Raj Industrial Area) માં રેઇડ કરીને મૂળ રાજસ્થાન (Rajasthan), હરિયાણા (Haryana) અને ઉત્તર પ્રદેશ (Uttar Pradesh) ના 4 શખ્સોની ધરપકડ કરી છે, જ્યારે આ નેટવર્કમાં સંડોવાયેલા અન્ય 4 આરોપીઓને વોન્ટેડ (Wanted) જાહેર કરવામાં આવ્યા છે.

રૂ. 15 થી 16 હજારની લાલચ આપી ભાડાના એકાઉન્ટ ખોલાવતા હતા

પોલીસ તપાસમાં ચોંકાવનારી મોડસ ઓપરેન્ડી સામે આવી છે કે આરોપીઓ લોકોને રૂપિયા 15 થી 16 હજારની લાલચ આપી તેમના નામે બેંક એકાઉન્ટ (Bank Accounts) ખોલાવી તેની કીટ અને સીમકાર્ડ મેળવી લેતા હતા. આરોપીઓ ફેસબુક સહિતના સોશિયલ મીડિયા (Social Media) પર જૂના સિક્કા વેચવાની અને અન્ય લોભામણી જાહેરાતો મૂકી છેલ્લા દોઢ વર્ષથી લોકો સાથે ઓનલાઈન ઠગાઈ આચરતા હતા. આ ભાડાના એકાઉન્ટમાં ફ્રોડના નાણાં જમા કરાવી, અલગ-અલગ ખાતામાં ટ્રાન્સફર કરી ATM મારફતે રોકડ ઉપાડી લેવામાં આવતી હતી.

રૂ. 5,72,500 નો મુદ્દામાલ જપ્ત

ભેસ્તાન પોલીસે આરોપીઓ પાસેથી 4.47 લાખ રોકડા, 15 મોબાઈલ ફોન, 22 ડેબિટ કાર્ડ (Debit Cards), પાસબુક અને ચેકબુક સહિત કુલ રૂપિયા 5,72,500 નો મુદ્દામાલ જપ્ત કર્યો છે. તપાસમાં એ પણ સામે આવ્યું છે કે આ ટોળકી વિરુદ્ધ ગુજરાત, મહારાષ્ટ્ર, દિલ્હી, હરિયાણા, યુપી અને તેલંગાણા સહિત દેશના અનેક રાજ્યોમાં સાયબર ફ્રોડની ફરિયાદો નોંધાયેલી છે. હાલ ભેસ્તાન પોલીસે BNS અને IT એક્ટની વિવિધ કલમો હેઠળ ગુનો નોંધી ફરાર આરોપીઓને ઝડપી પાડવા વધુ તપાસ હાથ ધરી છે.

આ પણ વાંચો : Ahmedabad News : દિલજીત દોસાંઝના કોન્સર્ટને પગલે મોટેરા તરફ જતા રસ્તા બંધ, વાહનચાલકો માટે ટ્રાફિક ડાયવર્ઝન જાહેર