સુરતના પાંડેસરા વિસ્તારમાં બે સગા ભાઈઓ વચ્ચે કોઈ કારણોસર ઉગ્ર ઝઘડો થયો હોવાની ઘટના સામે આવી છે. વિવાદ દરમિયાન મોટો ભાઈ દારૂના નશામાં હોવાનું સામે આવ્યું છે, જેણે આવેશમાં આવીને પોતાના નાના ભાઈને ઘરમાં જ પૂરી દીધો હતો અને બહારથી દરવાજે તાળું મારીને ત્યાંથી જતો રહ્યો હતો.
ફસાયેલા યુવકે ફાયર વિભાગ પાસે મદદ માંગી
ઘરમાં બંધ થઈ ગયેલા યુવકે તાત્કાલિક મુક્તિ મેળવવા માટે ફાયર બ્રિગેડનો સંપર્ક કર્યો હતો. ઘટનાની ગંભીરતા જોઈને ફાયર વિભાગની એક ટીમ તુરંત સ્થળ પર પહોંચી ગઈ હતી. ફાયર ટીમે ત્વરિત કામગીરી કરીને દરવાજાનું તાળું તોડી અંદર ફસાયેલા યુવકને સહીસલામત બહાર કાઢ્યો હતો.