સુરતના વેસુ વિસ્તારમાં રૂપિયા 50 લાખની ખંડણી માટે જમીન દલાલનું અપહરણ કરી તેની સાથે મારપીટ અને બ્લેકમેલિંગ કરવાના ગંભીર બનાવમાં પોલીસે 3 આરોપીઓને ઝડપી પાડ્યા છે. આરોપીઓએ જમીન દલાલને કારમાં બેસાડી ધમકાવ્યો અને તેની પાસેથી જમીનના અગત્યના કાગળો તથા રૂ. 5000 પડાવી લીધા હોવાનો આરોપ છે.
આરોપીઓએ જમીન દલાલને કારમાં બેસાડી તેનું અપહરણ કર્યું હતું. ત્યારબાદ તેને ધમકાવી રૂપિયા 50 લાખની ખંડણીની માંગણી કરવામાં આવી હતી. સમગ્ર ઘટનાને પગલે વેસુ વિસ્તારમાં ચકચાર મચી ગઈ હતી.
અપહરણ બાદ આરોપીઓએ દલાલ પાસેથી જમીન સંબંધિત અગત્યના દસ્તાવેજો પણ પડાવી લીધા હતા. આ ઉપરાંત તેની પાસેથી રૂ. 5000 રોકડા પણ લઈ લેવાયા હતા. જમીનના દસ્તાવેજો પડાવી લેવાના કારણે સમગ્ર મામલો વધુ ગંભીર બન્યો છે.
આરોપીઓએ વેપારીને નગ્ન કરી તેની સાથે મારપીટ કરી હોવાનો પણ આરોપ છે. એટલું જ નહીં, તેને કિડની વેચી દેવાની તેમજ હાથ-પગ ભાંગી નાખવાની ધમકી આપવામાં આવી હતી. આ પ્રકારની ધમકીઓથી પીડિતમાં ભયનો માહોલ સર્જાયો હતો.
ઘટનાની જાણ થતાં વેસુ પોલીસે કાર્યવાહી હાથ ધરી હતી. પોલીસે સમગ્ર મામલે તપાસ કરીને 3 આરોપીઓને ઝડપી પાડ્યા છે. હાલ આરોપીઓ સામે આગળની કાયદેસરની કાર્યવાહી હાથ ધરવામાં આવી છે. આ ખંડણી અને અપહરણ પાછળનું ચોક્કસ કારણ તથા અન્ય કોઈ વ્યક્તિની સંડોવણી છે કે નહીં તે દિશામાં પણ તપાસ ચાલી રહી છે.
આ પણ વાંચો : Sandesh Digital Explainer : તહેવારો પહેલાં ખાંડ બની કડવી..! 40% સુધીના ભાવવધારા પાછળ શું છે મહત્વના કારણ?