વડોદરામાં નશામાં ધૂત પોલીસકર્મીએ દારૂ પીને તમાશો કર્યો હતો અને આખી સોસાયટી માથે લીધી હતી, પહેલા સોસાયટીમાં કાર લઈને આવે છે અને ત્યારબાદ સોસાયટીના સભ્યો સાથે માથાકૂટ કરતો હોય છે તેવા સીસીટીવી સામે આવ્યા છે, દારૂબંધીનું પાલન કરાવતી પોલીસ જ નશામાં હોવાની વાત સામે આવી છે, વરણા પોલીસના હેડ કોન્સ્ટેબલ અમિત પરમાર નશામાં હોવાની વાત સામે આવી છે, સ્થાનિકોનો આક્ષેપ છે કે, અગાઉ પણ આ હેડ કોન્સ્ટેબલે દારૂ પીને માથાકૂટ કરી હતી.
પોલીસે નશાની હાલતમાં આખી સોસાયટી માથે લીધી
વડોદરામાં કાયદાના રક્ષકે કાયદાના લીરે લીરા ઉડાવ્યા છે, હેડ કોન્સ્ટેબલ અમિતે દારૂ પીને નશો કર્યો અને પોતાની કારમાંથી ઉતરીને લોકોને અપશબ્દો કહ્યા હતા, સ્થાનિકોએ નશેબાજ પોલીસકર્મીનો વીડિયો કર્યો વાયરલ અને અગાઉ પણ નશામાં ધમાલ કર્યાનો સ્થાનિકોનો દાવો કર્યો છે, તો બીજી તરફ મકરપુરા પોલીસે અમિત પરમાર સામે પ્રોહિબિશન એકટને લઈ ગુનો દાખલ કર્યો છે. સ્થાનિકોનું કહેવું છે કે, આ એક વખતનું નથી અમિત રોજ દારૂ પીને લોકોને હેરાન કરે છે તેવો પણ આક્ષેપ કર્યો છે.
