વાવ અને થરાદ વિસ્તારમાં ગેરકાયદેસર પ્રવૃત્તિઓ પર લગામ કસવા માટે પોલીસે આક્રમક વલણ અપનાવ્યું છે. એલ.સી.બી. (LCB) વાવ-થરાદની ટીમે સમગ્ર જિલ્લામાં દારૂના દૂષણને નાબૂદ કરવાના હેતુથી અલગ-અલગ વિસ્તારોમાં એકસાથે સઘન દરોડા પાડ્યા હતા. પોલીસની આ અચાનક કાર્યવાહીથી ગેરકાયદેસર દારૂનો કારોબાર કરતા બુટલેગરો અને અસામાજિક તત્વોમાં ભારે ફફડાટ વ્યાપી ગયો છે.
સુઈગામ, આગથળા, થરાદ અને વાવમાં LCBનું મોટું ઓપરેશન
એલ.સી.બી. વાવ-થરાદની ટીમ દ્વારા સુઈગામ, આગથળા, થરાદ અને વાવ પોલીસ સ્ટેશન ક્ષેત્ર હેઠળ આવતા વિવિધ વિસ્તારોમાં વ્યાપક ચેકિંગ અને રેડ હાથ ધરવામાં આવી હતી. આ દરોડા દરમિયાન પોલીસે દેશી દારૂ, દેશી દારૂ બનાવવા માટે ઉપયોગમાં લેવાતો કાચો વોશ તેમજ હેરાફેરી માટે વપરાતી એક મોટરસાઇકલ સહિત કુલ રૂ.93,800 નો મુદ્દામાલ જપ્ત કરીને કબ્જે કર્યો છે.