વાઇબ્રન્ટ ગુજરાત કાર્યક્રમ અંતર્ગત રાજ્યના કુલ 12 IAS અધિકારીઓ વિદેશ પ્રવાસે જઈ રહ્યા છે.આ અધિકારીઓ વિવિધ દેશોના પ્રવાસે જઈને મહત્વની કામગીરી સંભાળવાના છે. સનદી અધિકારીઓના આ પ્રવાસને પગલે સચિવાલયમાં વહીવટી શૂન્યાવકાશ ન સર્જાય તે જોવામાં આવ્યું છે.રાજ્ય સરકાર દ્વારા વહીવટ સુચારૂ રૂપે ચાલે તે માટે વિશેષ આદેશ જારી કરવામાં આવ્યા છે.રાજ્ય સરકારે તેમના વિભાગોની જવાબદારી અન્ય સક્ષમ IAS અધિકારીઓને સોંપવાનો નિર્ણય લીધો છે. પ્રવાસ દરમિયાન તમામ દૈનિક અને નીતિવિષયક કામગીરી સતત ચાલુ રહે તેવો ઉદ્દેશ રાખવામાં આવ્યો છે.રાજ્યના વિવિધ વહીવટી વિભાગોમાં યોગ્ય સંકલન જળવાઈ રહે તે બાબત સુનિશ્ચિત કરવામાં આવી છે. નાગરિકો અને સચિવાલયની રોજિંદી ફાઈલોના નિકાલમાં કોઈ વિલંબ ન થાય તેની કાળજી રખાઈ છે.
સચિવ કક્ષાના બે વરિષ્ઠ અધિકારીઓનો હવાલો સોંપાયો
વહીવટી ફેરફારો અંતર્ગત અપર મુખ્ય સચિવ કક્ષાના બે વરિષ્ઠ અધિકારીઓનો હવાલો સોંપાયો છે.જેમાં સામાન્ય વહીવટ વિભાગના અધિક મુખ્ય સચિવ અંજુ શર્માનો સમાવેશ થાય છે.અંજુ શર્મા વિદેશ પ્રવાસે જઈ રહ્યા હોવાથી તેમની જગ્યાએ કામચલાઉ વ્યવસ્થા ગોઠવવામાં આવી છે.સામાન્ય વહીવટ વિભાગનો મહત્વનો હવાલો આઇએએસ અધિકારી ટી.નટરાજનને સુપરત કરવામાં આવ્યો છે.આ વિભાગ રાજ્યના સમગ્ર સનદી તંત્ર અને કર્મચારીઓના વહીવટ સાથે સીધો સંકળાયેલો છે.તેથી આ વિભાગની કામગીરીમાં સાતત્ય જળવાય તે માટે ટી.નટરાજન જવાબદારી સંભાળશે.
અધિક મુખ્ય સચિવ જયંતી રવિ પણ વિદેશ પ્રવાસે જશે
આ ઉપરાંત મહેસૂલ વિભાગના અધિક મુખ્ય સચિવ જયંતી રવિ પણ વિદેશ પ્રવાસે જશે.જયંતી રવિની ગેરહાજરી દરમિયાન મહેસૂલ વિભાગનો ચાર્જ આઇએએસ બી. એ.શાહને સોંપાયો છે.મહેસૂલ વિભાગ રાજ્ય સરકારના અત્યંત સંવેદનશીલ અને મહત્વના વિભાગો પૈકીનો એક માનવામાં આવે છે.બી.એ.શાહ હવે જયંતી રવિ વિદેશ પ્રવાસથી પરત ન ફરે ત્યાં સુધી આ હવાલો સંભાળશે.આ બંને વરિષ્ઠ વિભાગોમાં વહીવટી કામગીરી અવિરત ચાલે તેવી વ્યવસ્થા સુનિશ્ચિત થઈ છે.ઉદ્યોગ વિભાગના અધિક મુખ્ય સચિવ મમતા વર્મા પણ વિદેશ જશે.તેમના પ્રવાસ દરમિયાન ઉદ્યોગ વિભાગનો હવાલો રાજીવ ટોપનોને સોંપાયો છે.રાજીવ ટોપનો હવે ઉદ્યોગ વિભાગની તમામ મહત્વની ફાઈલો સંભાળશે.
શહેરી વિકાસ સચિવ લોચન શહેરા પણ આ પ્રવાસમાં સામેલ
વાઇબ્રન્ટ ગુજરાત માટે આ વિભાગનું સંચાલન ખૂબ જરૂરી છે.શહેરી વિકાસ સચિવ લોચન શહેરા પણ આ પ્રવાસમાં સામેલ છે.તેમની ગેરહાજરીમાં આ વિભાગનો ચાર્જ વિનોદ રાવને સોંપવામાં આવ્યો છે.વિનોદ રાવ હવે શહેરી વિકાસ વિભાગનું વહીવટી કામકાજ જોશે.આમ તમામ મુખ્ય વિભાગોમાં વહીવટી સાતત્ય જાળવી રાખવામાં આવ્યું છે.રાજ્યના કુલ 12 સનદી અધિકારીઓ વિદેશના પ્રતિનિધિમંડળમાં સામેલ થશે.તમામ વિભાગોમાં દૈનિક કામકાજ કોઈ પણ અવરોધ વિના ચાલશે.પ્રવાસ પૂર્ણ થતાં જ મૂળ અધિકારીઓ ફરી પદભાર સંભાળશે.સરકારે આ મહત્વની વહીવટી જવાબદારીઓની વહેંચણી તાત્કાલિક પૂર્ણ કરી છે.
આ પણ વાંચોઃ Mehsana News: RTO દ્વારા ગેરકાયદે વેચાણના 22 વાહનો ડીટેઈન કર્યા, વ્હીકલ ટેક્સ ડિફોલ્ટર સામે મોટી કાર્યવાહી
