ગુજરાત પોલીસ વિભાગના વરિષ્ઠ અધિકારીઓ માટે આનંદના સમાચાર સામે આવ્યા છે. કેન્દ્ર સરકારના ગૃહ મંત્રાલય દ્વારા એક સત્તાવાર નોટિફિકેશન બહાર પાડવામાં આવ્યું છે, જે મુજબ ગુજરાતના 6 જાંબાઝ પોલીસ અધિકારીઓને પ્રમોશન આપીને આઈપીએસ કેડરનો દરજ્જો એનાયત કરવામાં આવ્યો છે. આ મંજૂરી મળતા જ રાજ્યના પોલીસ બેડામાં ઉત્સાહ અને ગૌરવનો માહોલ છવાઈ ગયો છે.
BPSR ના નિયમો હેઠળ મળી નિયુક્તિ
આ તમામ અધિકારીઓની પસંદગી ખૂબ જ ઝીણવટભરી પ્રક્રિયા બાદ કરવામાં આવી છે. ગૃહ મંત્રાલયના નોટિફિકેશન અનુસાર, આ નિમણૂંક BPSR (ભારતીય પોલીસ સેવા નિયમોના પ્રમોશન રેગ્યુલેશન) હેઠળ કરવામાં આવી છે. આ નિયમો અંતર્ગત રાજ્ય પોલીસ સેવા (SPS) ના ઉત્કૃષ્ટ પ્રદર્શન કરનારા અધિકારીઓને કેન્દ્રીય કેડરમાં સ્થાન આપવામાં આવે છે.
આ 6 પ્રભાવશાળી અધિકારીઓ બન્યા IPS
પ્રમોશન મેળવીને આઈપીએસ બનનારા અધિકારીઓમાં રાજ્યના જુદા-જુદા વિભાગોમાં નિષ્ઠાપૂર્વક ફરજ બજાવતા વરિષ્ઠ પોલીસ અધિકારીઓનો સમાવેશ થાય છે.
- રાજદીપસિંહ એન. નકુમ
- ભરતકુમાર બી. રાઠોડ
- પ્રફુલ વી. વાણિયા
- રાજેશકુમાર ટી. પરમાર
- કલ્પેશકુમાર એમ. ચાવડા
- રાકેશ ડી. દેસાઈ
તમામ અધિકારીઓ રહેશે 1 વર્ષના પ્રોબેશન પિરિયડ પર
નિયમ અનુસાર, આ તમામ પ્રમોટેડ આઈપીએસ અધિકારીઓએ તાત્કાલિક ધોરણે નવી જવાબદારીઓ સંભાળવાની રહેશે. જોકે, IPS કેડર મળ્યા બાદ હવે આ તમામ અધિકારીઓને શરૂઆતમાં 1 વર્ષના પ્રોબેશન પિરિયડ પર રાખવામાં આવશે. આ સમયગાળો સફળતાપૂર્વક પૂર્ણ કર્યા બાદ તેઓને કાયમી ધોરણે આઈપીએસ તરીકેની સત્તાવાર જવાબદારીઓ સોંપવામાં આવશે. આ પ્રમોશનથી રાજ્યમાં કાયદો અને વ્યવસ્થાની સ્થિતિ વધુ મજબૂત બનશે તેવી આશા સેવાઈ રહી છે.
કેન્દ્ર સરકારના ગૃહ મંત્રાલયનું સત્તાવાર નોટિફિકેશન વાંચવા અહીં ક્લિક કરો
આ પણ વાંચો - Gujarat Weather Update: રાજ્યમાં મેઘરાજાની ધમાકેદાર ઇનિંગ શરૂ, જાણો કયા કેટલો વરસાદ નોંધાયો
