વિદેશ જઈને સ્થાયી થવાનું સપનું જોતા યુવાનોને ઠગવાનું કૌભાંડ રોજરોજ વધી રહ્યું છે. ગાંધીનગરમાં આવી જ એક કિસ્સો સામે આવ્યો છે જ્યાં કેનેડાના કાયમી નિવાસી (Permanent Resident - PR) સ્ટેટસ અપાવવાના નામે મહેસાણાના એક દંપતી પાસે રૂપિયા 25.80 લાખની માતબર રકમની છેતરપિંડી થઇ છે. આ મામલે મહેસાણા દંપતીએ ગાંધીનગરના ઇન્ફોસિટી પોલીસ સ્ટેશનમાં બે એજન્ટો સામે સત્તાવાર ફરિયાદ નોંધાવી છે.


2 એજન્ટ સામે 25.80 લાખની છેતરપિંડીની ફરિયાદ

પ્રાપ્ત માહિતી અનુસાર, મહેસાણાના દંપતીને ગાંધીનગરના બે એજન્ટો જેઓ સાળા-બનેવી હોવાનું કહેવાય છે, તેમણે કેનેડામાં PR અપાવવાનું વચન આપ્યું હતું. આ એજન્ટોએ દંપતી પાસેથી વિઝા પ્રક્રિયા અને અન્ય ખર્ચાઓના નામે તબક્કાવાર રીતે કુલ 25.80 લાખ રૂપિયા પડાવી લીધા હતા. લાંબા સમય સુધી વિઝા ન આવતા અને એજન્ટો દ્વારા કોઈ સંતોષકારક જવાબ ન મળતાં દંપતીને શંકા ગઈ હતી. આખરે, તેમને સમજાયું કે તેમની સાથે છેતરપિંડી થઈ છે.

Also Read

મહેસાણાના દંપતી સાથે ઠગાઈ કર્યાની નોંધાઈ ફરિયાદ

આ ઘટના બાદ દંપતીએ તાત્કાલિક ઇન્ફોસિટી પોલીસ સ્ટેશનમાં આ બે એજન્ટો વિરુદ્ધ ફરિયાદ નોંધાવી છે. પોલીસે આ મામલે ગુનો નોંધીને તપાસ હાથ ધરી છે. આ પ્રકારની છેતરપિંડીનો ભોગ બનેલા લોકોની સંખ્યા વધુ હોવાની શક્યતા પણ પોલીસે વ્યક્ત કરી છે. આ ઘટના ફરી એકવાર દર્શાવે છે કે, વિદેશ જવાની લાલચમાં લોકો કઈ રીતે પોતાની મહેનતની કમાણી ગુમાવી રહ્યા છે. આવા કિસ્સાઓ અટકાવવા માટે જાગૃતતા અને સાવધાની રાખવી અત્યંત જરૂરી છે. સરકારે પણ આવા એજન્ટો સામે કડક પગલાં ભરવાની જરૂર છે.


  • Follow us on: