ગુજરાત સરકારના પંચાયત વિભાગ દ્વારા વહીવટી માળખાને વધુ મજબૂત અને કાર્યક્ષમ બનાવવાના ભાગરૂપે મહત્વનો નિર્ણય લેવામાં આવ્યો છે. રાજ્યના પંચાયત સંવર્ગમાં સેવા આપતા 4 તાલુકા વિકાસ અધિકારી (TDO) વર્ગ-2 ના અધિકારીઓને જુનિયર સ્કેલ વર્ગ-1 સંવર્ગમાં હંગામી ધોરણે બઢતી આપતો સત્તાવાર હુકમ પ્રસિદ્ધ કરવામાં આવ્યો છે.
ગુજરાત સરકારના પંચાયત વિભાગ દ્વારા નિર્ણય
https://epapercdn.sandesh.com/images/2026/08/17/NKGVZbpAE64H1g3NoqegFS63OYNGPU12GDoKAMLf.pdf
રાજ્ય સરકારના સામાન્ય વહીવટ વિભાગ અને પંચાયત વિભાગની મંજૂરી બાદ જારી કરાયેલા આ હુકમથી પંચાયત વહીવટમાં લાંબા સમયથી પ્રમોશનની રાહ જોઈ રહેલા અધિકારીઓમાં આનંદની લાગણી વ્યાપી છે.જાહેર કરાયેલા સરકારી ઠરાવ અને આદેશ મુજબ, બઢતી પામેલા ચારેય અધિકારીઓએ પોતાના નવા બઢતી મેળવેલા પદ પર તાત્કાલિક અસરથી હાજર થઈ પદભાર સંભાળવાનો રહેશે.
આ બઢતી જુનિયર સ્કેલ વર્ગ-1 ના ખાલી પદો અને વહીવટી જરૂરિયાતોને ધ્યાને રાખી હંગામી ધોરણે આપવામાં આવી છે.જુનિયર સ્કેલ વર્ગ-1 ના અધિકારીઓની નિમણૂક થવાથી જિલ્લા અને તાલુકા કક્ષાના વિકાસ કાર્યો, સરકારી યોજનાઓનું અમલીકરણ અને પંચાયતી રાજનું વહીવટી કામકાજ વધુ ઝડપી બનશે.બઢતી મેળવનાર અધિકારીઓના નવા પોસ્ટિંગ અને જવાબદારી અંગેનો અલગથી ઓર્ડર જારી કરવામાં આવ્યો છે.