જૂનાગઢ (Junagadh) જિલ્લાના ગીર (Gir) જંગલ વિસ્તારમાં પેઢીઓથી વસવાટ કરતા માલધારી સમાજ સામે હાલ અસ્તિત્વનો મોટો પ્રશ્ન ખડો થયો છે. જંગલમાં રોજગારીના સાધનો ખૂટી રહ્યા છે અને પશુપાલન માટે સૌથી મહત્વની જરૂરિયાત એવા ઘાસચારાનો ભારે અભાવ વર્તાઈ રહ્યો છે. દુષ્કાળ જેવી પ્રતિકૂળ પરિસ્થિતિ અને પશુઓના નિભાવ માટે પૂરતા પ્રમાણમાં મફત ઘાસ ન મળવાને કારણે માલધારીઓની આર્થિક કમર ભાંગી ગઈ છે.

સાસણના કાર્યક્રમમાં માલધારીઓએ ઠાલવી હૈયાવરાળ

તાજેતરમાં સાસણ (Sasan) ખાતે યોજાયેલા એક સત્તાવાર કાર્યક્રમ દરમિયાન ગીરના વિવિધ વિસ્તારોમાંથી આવેલા માલધારીઓએ પોતાની વેદના ખુલ્લેઆમ વ્યક્ત કરી હતી. માલધારીઓએ ભારે રોષ સાથે જણાવ્યું હતું કે અધિકારીઓ જમીની હકીકત (Ground Reality) સ્વીકારવા જ તૈયાર નથી. તેમની અનેક રજૂઆતો અને ફરિયાદો કરવા છતાં તંત્ર દ્વારા કોઈ જ સકારાત્મક પગલાં લેવામાં આવતા નથી, જેના કારણે અમારું જીવન મુશ્કેલ બની ગયું છે.

'ઘાસચારા અંગે અમને કોઈ લેખિત ફરિયાદ મળી નથી' - SDM જોશી

બીજી તરફ, માલધારીઓના આક્ષેપો સામે વહીવટી તંત્રનું નિવેદન પણ સામે આવ્યું છે. આ સમગ્ર મામલે SDM જોશી (SDM Joshi) એ પ્રતિક્રિયા આપતા સ્પષ્ટ કર્યું છે કે ઘાસચારાની અછત કે અન્ય સમસ્યાઓ અંગે તંત્રને અત્યાર સુધી કોઈ સત્તાવાર ફરિયાદ મળી નથી. જો કે, માલધારીઓની આ ગંભીર સમસ્યાને ધ્યાને લઈને આગામી સમયમાં વહીવટી તંત્ર દ્વારા યોગ્ય તપાસ અને રાહત કામગીરી હાથ ધરવામાં આવે તેવી લોકમાગ પ્રબળ બની છે.

આ પણ વાંચો : Kachchhની દરિયાઈ સરહદ પર સુરક્ષા સઘન, મરીન કમાન્ડો દ્વારા જખૌ સેક્ટરમાં હાથ ધરવામાં આવ્યું વિશેષ ચેકિંગ