ભારતની દરિયાઈ સીમાઓની સુરક્ષાને સર્વોચ્ચ પ્રાથમિકતા આપતા સુરક્ષા એજન્સીઓ હંમેશાં એલર્ટ મોડ પર રહે છે. ત્યારે કચ્છ (Kachchh) ની સંવેદનશીલ દરિયાઈ સરહદ પર સુરક્ષા વ્યવસ્થાને વધુ મજબૂત કરવાના હેતુથી મરીન કમાન્ડો (Marine Commandos) દ્વારા જખૌ સેક્ટર (Jakhau Sector) માં સઘન ચેકિંગ અને સર્ચ ઓપરેશન હાથ ધરવામાં આવ્યું છે. દેશની સુરક્ષા સામે ઊભા થતા સંભવિત જોખમોને ડામવા માટે સુરક્ષા દળો દ્વારા દરિયાઈ માર્ગો પર ચાંપતી નજર રાખવામાં આવી રહી છે.
બોટ દ્વારા અલગ-અલગ ટીમો બનાવી સમુદ્રમાં હાથ ધરાઈ કડક કાર્યવાહી
આ વિશેષ સુરક્ષા અભિયાન અંતર્ગત મરીન કમાન્ડો દ્વારા ખાસ વ્યુહરચના તૈયાર કરવામાં આવી છે. કમાન્ડો દ્વારા અલગ-અલગ ટીમો (Multiple Teams) બનાવવામાં આવી છે અને અત્યાધુનિક બોટ (Boats) ના માધ્યમથી દરિયાઈ વિસ્તારમાં ઊંડાણપૂર્વક તપાસ અને પેટ્રોલિંગ હાથ ધરવામાં આવ્યું છે. જખૌના દરિયાકાંઠાના વિસ્તારો તેમજ જળસીમા પર કમાન્ડોની સતત હાજરીથી અસામાજિક તત્વો અને શંકાસ્પદ ગતિવિધિઓ પર અંકુશ મેળવી શકાશે.