જામનગરની જીજી હોસ્પિટલમાં શંકાસ્પદ ચાંદીપુરા વાયરસના કારણે દેવભૂમિ દ્વારકા જિલ્લાના કલ્યાણપુર તાલુકાના 11 માસના માસુમ બાળકનું સારવાર દરમિયાન મોત નીપજતાં અરેરાટી વ્યાપી ગઈ છે. સવારે અત્યંત ગંભીર હાલતમાં બાળકને બાળ વિભાગમાં દાખલ કરવામાં આવ્યું હતું. શંકાસ્પદ ચાંદીપુરા વાયરસના લક્ષણો જણાતાં તેના સેમ્પલ લઈને લેબોરેટરી તપાસ માટે મોકલવામાં આવ્યા છે, જેનો રિપોર્ટ આવવાનો બાકી છે.
અગાઉ નોંધાયેલા 2 વર્ષના બાળકના મોતનો રિપોર્ટ નેગેટિવ આવ્યો
આ અગાઉ બુધવારની રાત્રે કલ્યાણપુર તાલુકાના લાંબા ગામના 2 વર્ષના બાળકની જીજી હોસ્પિટલમાં સારવાર દરમિયાન મોત થયું હતું. જોકે, રાહતના સમાચાર એ છે કે તે 2 વર્ષના બાળકનો ચાંદીપુરા વાયરસનો રિપોર્ટ નેગેટિવ આવ્યો છે.