કચ્છ જિલ્લામાં એક જ દિવસમાં ભૂકંપના બે આંચકા નોંધાતા ભચાઉ અને દુધઈ પંથકમાં લોકોમાં ફફડાટ ફેલાયો હતો. બંને આંચકા સામાન્ય તીવ્રતાના હોવા છતાં સ્થાનિકોએ ધરતી ધ્રૂજવાનો અનુભવ કર્યો હતો. સદનસીબે બંને ઘટનાઓમાં જાનમાલના કોઈ નુકસાનના અહેવાલ મળ્યા નથી.
મળતી માહિતી મુજબ સવારે 10:45 વાગ્યે દુધઈથી 24 કિલોમીટર દૂર 3.0ની તીવ્રતાનો ભૂકંપ નોંધાયો હતો. ભૂકંપનો આંચકો અનુભવાતા આસપાસના વિસ્તારોમાં લોકોમાં ક્ષણિક ગભરાટ ફેલાયો હતો.
દિવસ દરમિયાન સાંજના સમયે ફરી એકવાર કચ્છમાં ધરતી ધ્રૂજી હતી. સાંજે 07:46 વાગ્યે ભચાઉથી 22 કિલોમીટર દૂર 3.6ની તીવ્રતાનો ભૂકંપ નોંધાયો હતો. એક જ દિવસમાં બે અલગ અલગ સ્થળે ભૂકંપના આંચકા નોંધાતા સ્થાનિકોમાં ચર્ચાનો વિષય બન્યો હતો.
બંને ભૂકંપના આંચકા સામાન્ય તીવ્રતાના હોવાનું સામે આવ્યું છે. સ્થાનિક લોકોએ ધ્રુજારી અનુભવી હતી, પરંતુ કોઈ જાનહાનિ કે મિલકતને નુકસાન થયાના અહેવાલ મળ્યા નથી.
કચ્છ ભૂકંપ સંવેદનશીલ વિસ્તાર હોવાથી ધરતી ધ્રૂજવાના સમાચાર સામે આવતા લોકોમાં ચિંતા જોવા મળી હતી. જોકે આ બંને આંચકા સામાન્ય તીવ્રતાના હોવાથી કોઈ મોટી નુકસાની થઈ નથી. એક જ દિવસમાં સવારે દુધઈ અને સાંજે ભચાઉ નજીક નોંધાયેલા ભૂકંપના આંચકાએ કચ્છવાસીઓને ફરી એકવાર ધ્રુજાવી દીધા હતા.
આ પણ વાંચો : Nepal Flood : મોત નીચે, ઉપર જોખમ... ભયાનક પૂરમાં મહિલા પાયલોટ પ્રિયા અધિકારીએ બચાવ્યા સેંકડો જીવ