શહેરના સેટેલાઇટ વિસ્તારમાં રહેતા અને BSNLમાંથી નિવૃત થયેલા એક કર્મચારી સાયબર ગઠિયાઓનો શિકાર બન્યા છે. ક્રેડિટ કાર્ડની પ્રોસેસ કરાવવાની લાલચમાં નિવૃત કર્મચારીએ પોતાના પરસેવાની કમાણીના રૂપિયા 2.38 લાખ ગુમાવવાનો વારો આવ્યો છે. આ મામલે સેટેલાઇટ પોલીસ સ્ટેશનમાં ફરિયાદ નોંધાઈ છે.
અમદાવાદમાં નિવૃત કર્મચારી સાથે છેતરપિંડી
મળતી માહિતી મુજબ, ભોગ બનનાર નિવૃત કર્મચારીને ક્રેડિટ કાર્ડ મેળવવા માટે ઓનલાઇન પ્રોસેસ કરવાની લિંક કે સંપર્ક કરવામાં આવ્યો હતો. સાયબર ગઠિયાઓએ વિશ્વાસમાં લઈ ઇમેઇલ દ્વારા ક્રેડિટ કાર્ડની તમામ ખાનગી વિગતો મેળવી લીધી હતી. ત્યારબાદ, વધુ એક કદમ આગળ વધીને ગઠિયાઓએ વીડિયો કોલ મારફતે કર્મચારી પાસેથી OTP (વન ટાઈમ પાસવર્ડ) મેળવી લીધો હતો.
