અમદાવાદના સરદાર વલ્લભભાઈ પટેલ ઈન્ટરનેશનલ એરપોર્ટ પર ડ્રગ્સ માફિયાઓની નવી મોડસ ઓપરેન્ડીનો પર્દાફાશ થયો છે. કસ્ટમ્સના એર ઇન્ટેલિજન્સ યુનિટે (AIU) બાતમીના આધારે કાર્યવાહી કરી બેંગકોકથી આવેલી એક મહિલા મુસાફરની ધરપકડ કરી છે. આ મહિલા પાસેથી અંદાજે 948 ગ્રામ હાઇબ્રિડ ગાંજો મળી આવ્યો છે.
ચોકલેટના પેકેટમાં છુપાવ્યો હતો નશો
તસ્કરો અને ડ્રગ્સની હેરાફેરી કરનારાઓ હવે કસ્ટમ અધિકારીઓની નજરમાંથી બચવા માટે અવનવા કિમીયા અજમાવતા હોય છે. પકડાયેલી મહિલા મુસાફરે હાઇબ્રિડ ગાંજાને છુપાવવા માટે 9 જેટલા ચોકલેટના પેકેટોનો ઉપયોગ કર્યો હતો. પ્રથમ દ્રષ્ટિએ આ સામાન્ય ચોકલેટના પેકેટ લાગતા હતા, પરંતુ ઝીણવટભરી તપાસ દરમિયાન તેમાંથી કિંમતી હાઇબ્રિડ ગાંજો મળી આવ્યો હતો.
