અમદાવાદ મ્યુનિસિપલ કોર્પોરેશન (AMC)ના ચૂંટાયેલા પ્રતિનિધિઓની ટર્મ આગામી 9 માર્ચે પૂર્ણ થવાની છે. હજુ સુધી મહાનગરપાલિકાની ચૂંટણી જાહેર ન થતાં AMCમાં વહીવટદાર શાસન લાગુ થવાની સ્થિતિ ઊભી થઈ છે.
રાજ્ય સરકાર દ્વારા વહીવટદારની નિમણૂકની સંભાવના
ચૂંટણી પ્રક્રિયા શરૂ ન થવાના કારણે રાજ્ય સરકાર દ્વારા વહીવટદારની નિમણૂક કરવામાં આવશે. વહીવટદાર શાસન દરમિયાન AMCની સ્ટેન્ડિંગ કમિટીની તમામ સત્તાઓ મ્યુનિસિપલ કમિશનર પાસે રહેશે, જેથી નગરપાલિકાના દૈનિક વહીવટ અને વિકાસકાર્યો ચાલુ રહી શકે.