Ahmedabad : થલતેજ સર્કલ પાસે ચાલુ કારમાં લાગી આગ, લોકોમાં નાસભાગ મચી

અમદાવાદના થલતેજ વિસ્તારમાં એક ચાલતી કારમાં અચાનક આગ લાગવાની ઘટના સામે આવી છે. થલતેજ સર્કલ નજીક બનેલી આ ઘટનાથી આસપાસના વિસ્તારમાં થોડીવાર માટે અફરાતફરીનો માહોલ સર્જાયો હતો.

કારમાં આગ ભભૂકી ઉઠતાં આસપાસના લોકોમાં નાસભાગ મચી

માહિતી મુજબ કાર રસ્તા પર ચાલી રહી હતી ત્યારે અચાનક એન્જિન ભાગમાંથી ધુમાડો નીકળવા લાગ્યો હતો. થોડા જ સમયમાં કારમાં આગ ભભૂકી ઉઠતાં આસપાસના લોકોમાં નાસભાગ મચી ગઈ હતી.

આ ઘટનામાં કોઈ જાનહાનિ થઈ નથી

સદનસીબે આ ઘટનામાં કોઈ જાનહાનિ થઈ નથી. જો કે કારને આગને કારણે ભારે નુકસાન થયું હોવાનું જાણવા મળ્યું છે.

ફાયર બ્રિગેડની ટીમ તાત્કાલિક ઘટનાસ્થળે પહોંચી

ઘટનાની જાણ થતાં જ ફાયર બ્રિગેડની ટીમ તાત્કાલિક ઘટનાસ્થળે પહોંચી હતી. ફાયર બ્રિગેડના જવાનો દ્વારા આગ પર કાબુ મેળવવા માટે કામગીરી હાથ ધરવામાં આવી હતી.

ફાયર બ્રિગેડની ટીમે આગ પર કાબુ મેળવ્યો

ફાયર બ્રિગેડની ટીમે ટૂંકા સમયમાં આગ પર કાબુ મેળવી આગ વધુ ફેલાય નહીં તેની તકેદારી રાખી હતી. 

આ પણ વાંચો----    New Delhi : ગુજરાતને લઇને PM નિવાસસ્થાને મળી બેઠક, ગૃહમંત્રી અમિત શાહ અને CM ભૂપેન્દ્ર પટેલ તથા ડે.સીએમ હર્ષ સંઘવી રહ્યા હાજર