ગ્લોબલ વોર્મિંગ અને ક્લાઇમેટ ચેન્જ મોટો પડકાર રહેશે અને જનભાગીદારી વધારવા કિચન ગાર્ડનિંગ પર વર્કશોપ યોજાશે અને પ્રોજેક્ટના અમલ માટે અર્બન ગ્રીનીંગ એડવાઇઝરી કમિટી બનશે અને ખુલ્લા પ્લોટમાં વૃક્ષારોપણ કરી શહેરને હરિયાળું બનાવાશે.
ગ્રીન સિટી બનાવવા કોર્પોરેશન બોન્ડ બહાર પાડશે
ગ્લોબલ વોર્મિંગ અને કલાઈમેટ ચેન્જના પડકારોને પહોંચી વળવા એએમસી દ્વારા 'અર્બન ગ્રીનીંગ પોલિસી' મંજૂર કરાઈ છે. શહેરના ગ્રીન કવરમાં નોંધપાત્ર વધારો કરવાના નિર્ધાર સાથે મ્યુનિ. તંત્ર ટૂંક સમયમાં એક હજાર કરોડના ગ્રીન બોન્ડ બહાર પાડવાનું આયોજન કરી રહ્યું છે, જેની દરખાસ્ત મંજૂરી અર્થે સ્ટેન્ડિંગમાં રજૂ કરાશે. વર્ષ ૨૦૭૦ સુધીમાં નેટ ઝીરો એમિશન'ના વિઝનને સાકાર કરવા માટે આ પોલિસી ગેમ-ચેન્જર સાબિત થશે.
