હાલ ભાજપ પ્રદેશ પ્રમુખ અલગ અલગ જિલ્લાની મુલાકાત લઈ રહ્યા છે. આ વચ્ચે ભાજપ પ્રદેશ પ્રમુખ અમદાવાદ જિલ્લાના ધંધુકા ખાતે પહોંચ્યા હતા. ધંધુકા એપીએમસીમાં ભારતીય જનતા પાર્ટીના કાર્યકર્તાઓ અને પદાધિકારીઓ દ્વારા તેમનું ઉષ્માપૂર્વક સ્વાગત કરવામાં આવ્યું હતું.
મોટી સંખ્યામાં કાર્યકર્તાઓ હાજર રહ્યા
ધંધુકા એપીએમસી ખાતે ભાજપ પ્રદેશ પ્રમુખનું સ્વાગત કરવા માટે ભાજપના આગેવાનો, પદાધિકારીઓ અને મોટી સંખ્યામાં કાર્યકર્તાઓ હાજર રહ્યા હતા. જગદીશ વિશ્વકર્મા દ્વારા એપીએમસી ખાતે કાર્યકર્તાઓ સાથે વિશેષ સંવાદ કરવામાં આવ્યો હતો. આ દરમિયાન તેમણે SIR વિશે કાર્યકર્તાઓને વિશેષ માહિતી આપી હતી.
