ગુજરાત યુનિવર્સિટીની હોસ્ટેલના D બ્લોકના ધાબા પર દારુની મહેફિલ થયાનો આક્ષેપ વિધાર્થી દ્વારા કરવામાં આવ્યો છે, અંદાજિત 10થી વધુ વિદેશી દારુની ખાલી બોટલો મળી આવી છે, વિદેશી દારુની બોટલો મળતા સિક્યુરિટી સામે સવાલ ઉભા થયા છે, સિકયુરીટી છે તેમ છત્તા કઈ રીતે લોકો ધાબા સુધી પહોંચ્યા તે સવાલ છે.
ફરી ગુજરાત યુનિવર્સિટી આવી વિવાદમાં
શિક્ષણના ધામમાં મળી દારૂની બોટલો, ગુજરાત યુનિવર્સિટીમાં આવેલી હોસ્ટેલના ધાબા પરથી દારૂની બોટલો મળી આવતા ખળભળાટ મચ્યો હતો, અગાઉ પણ પંડિત દિનદયાળની જન્મ જયંતી નિમિતે યોજાયેલ સફાઈ અભિયાન દરમિયાન કેબિનેટ મંત્રી ઋષિકેશ પટેલની હાજરીમાં કેમ્પસમાંથી દારૂની ખાલી બોટલો મળી આવી હતી. હોસ્ટેલમાં 24 કલાક સિક્યુરિટી ગાર્ડ અને વોર્ડનની હાજરી હોવા છતાં લોકો કઈ રીતે ધાબા સુધી પહોંચ્યા હશે અને દારૂની મહેફિલ માણી હશે તેને લઈ સવાલ ઉભા થયા છે.
