યુવા પેઢીમાં વૈજ્ઞાનિક જિજ્ઞાસા અને નવીનતા પ્રોત્સાહિત થાય તે હેતુસર ગુજરાત સરકારના વિજ્ઞાન અને ટેક્નોલોજી વિભાગ હેઠળના Gujarat Council on Science and Technology (GUJCOST) દ્વારા STEM Quizનું આયોજન કરવામાં આવે છે. જેની ચોથી આવૃત્તિમાં દેશભરનાં વિવિધ રાજ્યો અને શૈક્ષણિક બોર્ડમાંથી કુલ ૧૫,૦૧,૨૪૯ વિદ્યાર્થીઓએ નોંધણી કરાવી હતી.
1078 વિદ્યાર્થીઓ ગ્રાન્ડ ફિનાલેમાં પહોંચ્યા હતા
આ સ્પર્ધાના પ્રિલિમિનરી અને ઝોનલ રાઉન્ડ બાદ દેશભરમાંથી કુલ ૧૦૭૮ વિદ્યાર્થીઓ ગ્રાન્ડ ફિનાલેમાં પહોંચ્યા હતા, જેમાંથી ૯૧૮ વિદ્યાર્થીઓ ગુજરાતમાંથી અને ૧૬૦ વિદ્યાર્થીઓ અન્ય રાજ્યો તથા કેન્દ્રશાસિત પ્રદેશોમાંથી હતા. ગ્રાન્ડ ફિનાલેનું સંચાલન જાણીતા ક્વિઝ માસ્ટર ગીરી બાલાસુબ્રહ્મયમ દ્વારા કરવામાં આવ્યું હતું. આ સમારોહમાં વિજેતા વિદ્યાર્થીઓને વિજ્ઞાન અને ટેક્નોલોજી વિભાગના સચિવ શ્રીમતી પી. ભારતીના હસ્તે ઇનામો આપવામાં આવ્યા હતા અને આ સ્પર્ધામાં વધુમાં વધુ વિદ્યાર્થીઓને ભાગ લેવા તેમણે પ્રોત્સાહિત કર્યા હતા.