વિરમગામ-બેચરાજી હાઇવે પર અકસ્માતની એક ગમખ્વાર ઘટના સામે આવી છે. વિરમગામ તાલુકાના ઉખલોડ ગામ પાસે પુરપાટ ઝડપે આવી રહેલા ટ્રેલર અને ડમ્પર વચ્ચે જોરદાર ટક્કર થઈ હતી. આ અકસ્માત એટલો ભીષણ હતો કે ડમ્પર ચાલકનું ઘટનાસ્થળે જ કમકમાટીભર્યું મોત નીપજ્યું હતું, જ્યારે અન્ય બે વ્યક્તિઓને ગંભીર ઈજાઓ પહોંચી છે.
સુરેન્દ્રનગરના યુવાનનું કરુણ મોત
આ અકસ્માતમાં જાન ગુમાવનાર મૃતકની ઓળખ ગભરૂભાઇ કમાભાઇ સાંભળ (ઉંમર વર્ષ 32) તરીકે થઈ છે. મૃતક સુરેન્દ્રનગર જિલ્લાના ધાંધલપુર ગામના રહેવાસી હોવાનું જાણવા મળ્યું છે. જુવાનજોધ પુત્રના મોતના સમાચારથી ધાંધલપુર પંથકમાં શોકનું મોજું ફરી વળ્યું છે.