અમદાવાદ-બાવળા નેશનલ હાઇવે પર અકસ્માતોનો સિલસિલો યથાવત છે. આજે બાવળાના રજોડા ગેટ પાસે એક માલવાહક ટ્રક અચાનક પલટી મારી જવાની ઘટના સામે આવી છે. આ ગમખ્વાર અકસ્માતમાં ટ્રકને ભારે નુકસાન થયું છે, પરંતુ સદનસીબે ચાલકનો આબાદ બચાવ થયો છે.
રજોડા ગેટ પાસે સર્જાયો અકસ્માત
મળતી માહિતી મુજબ, ટ્રક ચાલકે સ્ટીયરિંગ પરથી કાબૂ ગુમાવતા પલટી ખાઈ ગઈ હતી. અકસ્માત એટલો જોરદાર હતો કે ટ્રક રોડની એક બાજુ આડી પડી ગઈ હતી. ઘટનાને પગલે આસપાસના લોકો દોડી આવ્યા હતા અને કેબિનમાં ફસાયેલા ડ્રાઈવરને સુરક્ષિત બહાર કાઢ્યો હતો. ડ્રાઈવરને માત્ર નાની-મોટી ઈજાઓ થઈ હોવાનું જાણવા મળ્યું છે.
