અમદાવાદ મ્યુનિસિપલ કોર્પોરેશન દ્વારા શહેરમાં ગેરકાયદેસર અથવા નિયમોનું પાલન કર્યા વગર ચાલતા પીજી (PG) એકમો સામે ઝુંબેશ તેજ કરવામાં આવી છે. ખાસ કરીને પોશ ગણાતા બોડકદેવ વોર્ડમાં આવેલા પ્રેમચંદ નગર વિસ્તારમાં AMCની ટીમે ત્રાટકીને 25 જેટલા પીજી એકમોને સીલ કરી દીધા છે.
અમદાવાદમાં ચાલતા PG પર AMCની લાલ આંખ
AMCના જણાવ્યા અનુસાર, આ પીજી એકમો રહેણાંક સોસાયટીઓમાં વ્યાવસાયિક ધોરણે ચાલતા હતા. તંત્ર દ્વારા અગાઉ આ એકમોને નોટિસ આપવામાં આવી હતી. નિયત કરેલા નિયમોનું પાલન ન કરવું.જરૂરી પરવાનગી કે દસ્તાવેજો રજૂ ન કરવા.AMC દ્વારા અપાયેલી નોટિસનો સમયમર્યાદામાં જવાબ ન આપવો.વારંવારની સૂચના છતાં કોઈ સંતોષકારક જવાબ ન મળતા, આજે બોડકદેવ વોર્ડની ટીમ દ્વારા પોલીસ બંદોબસ્ત સાથે સીલિંગની કામગીરી હાથ ધરવામાં આવી હતી.
