ગુજરાતમાં ઉનાળાની શરૂઆત સાથે જ સૂર્યદેવના તેવર આકરા બન્યા છે. હવામાન વિભાગે રાજ્યમાં આગામી 5 દિવસ માટે હીટવેવની ચેતવણી આપી છે, જેના કારણે રાજ્યના અનેક વિસ્તારોમાં કાળજાળ ગરમી અનુભવાશે.
હવામાન વિભાગની આગાહી મુજબ, રાજ્યના વિવિધ ભાગોમાં ગરમીનું પ્રમાણ વધશે.ભાવનગર આગામી બે દિવસ સુધી હિટવેવની સ્થિતિ રહેશે.યલો એલર્ટ ધરાવતા જિલ્લાઓ પોરબંદર, દીવ, ભરૂચ, નવસારી, સુરત, વલસાડ, દમણ અને દાદરા નગર હવેલીમાં હિટવેવ સાથે 'યલો એલર્ટ' જાહેર કરવામાં આવ્યું છે.
અમદાવાદમાં પણ ગરમીનો પારો સતત ઊંચકાઈ રહ્યો છે, જ્યાં મહત્તમ તાપમાન 37.7 ડિગ્રી નોંધાયું છે. હવામાન વૈજ્ઞાનિક પ્રદીપ શર્માના જણાવ્યા અનુસાર, 8 માર્ચના રોજ પણ અમદાવાદનું તાપમાન 37 ડિગ્રીની આસપાસ રહેવાની શક્યતા છે. ખાસ કરીને T20 વર્લ્ડ કપના આયોજન સમયે ગરમીનું પ્રમાણ વધુ રહેવાની શક્યતા હોવાથી દર્શકો અને ખેલાડીઓને વિશેષ સાવચેતી રાખવી પડશે.
હવામાન વિભાગે લોકોને બપોરના સમયે ઘરની બહાર નીકળવાનું ટાળવા અને પૂરતા પ્રમાણમાં પાણી પીવાની સલાહ આપી છે. હિટવેવ દરમિયાન હળવા અને સુતરાઉ કપડાં પહેરવા તેમજ સીધા સૂર્યપ્રકાશથી બચવા માટે છત્રી કે ટોપીનો ઉપયોગ કરવા જણાવવામાં આવ્યું છે.
આ પણ વાંચો: Tapi: વ્યારાના મુસા ગામે દીપડો પાંજરે પુરાયો, ગ્રામજનોએ લીધો રાહતનો શ્વાસ