અમદાવાદના ઐતિહાસિક ચંડોળા તળાવને તેના જૂના ગૌરવ સાથે પુનર્જીવિત કરવા માટે હાથ ધરાયેલા પ્રોજેક્ટને હવે વેગ મળ્યો છે. ચંડોળા તળાવના કિનારેથી કરાયેલા મોટા પાયાના ડિમોલિશનને એક વર્ષ પૂર્ણ થયું છે, ત્યારે તંત્ર દ્વારા તળાવના ડેવલપમેન્ટનું કામ યુદ્ધના ધોરણે ચલાવવામાં આવી રહ્યું છે.
ત્રણ તબક્કામાં થઈ રહ્યો છે વિકાસ
ચંડોળા તળાવનો આ ડેવલપમેન્ટ પ્રોજેક્ટ મુખ્યત્વે ત્રણ સ્ટેપમાં વહેંચવામાં આવ્યો છે. ડિમોલિશન બાદ તળાવની જમીન સુરક્ષિત કરવા માટે તેના ફરતે મજબૂત બાઉન્ડ્રી વોલ (સીમા દીવાલ) બનાવી દેવામાં આવી છે. આ સાથે જ તળાવના બ્યુટીફિકેશન એટલે કે સુંદરતામાં વધારો કરવા માટે આકર્ષક ગુંબજોનું નિર્માણ પણ કરવામાં આવ્યું છે.
નવીનતમ આકર્ષણો અને સુવિધાઓ
- તળાવના વિકાસ માટે અલગ-અલગ તબક્કાઓમાં કામગીરી ચાલી રહી છે, જેમાં:
- તળાવમાં પ્રવેશવા માટે ચારેય તરફ અલગ-અલગ એન્ટ્રી ગેટ બનાવવામાં આવ્યા છે.
- પર્યટકો અને સ્થાનિક રહીશો માટે વોક-વે અને બેસવાની સુવિધાઓ વિકસાવવામાં આવી રહી છે.
- તળાવના પ્રોજેક્ટને એવી રીતે તૈયાર કરવામાં આવ્યો છે કે તે ભવિષ્યમાં શહેરના મુખ્ય પર્યટન સ્થળ તરીકે ઉભરી આવે.
ડિમોલિશન બાદ ખાલી થયેલી વિશાળ જગ્યામાં હવે ડેવલપમેન્ટની કામગીરી નજરે પડી રહી છે. આગામી સમયમાં બાકીના તબક્કાઓ પૂર્ણ થતા દક્ષિણ અમદાવાદને એક નવું નજરાણું મળશે.
આ પણ વાંચો - Ahmedabad : હારના આઘાતમાંથી બેઠા થવા કોંગ્રેસનો પંચ દિવસીય એક્શન પ્લાન, કાલથી હપ્તાભર ચાલશે મંથન
