અમદાવાદ શહેરમાં છેલ્લા કેટલાક સમયથી હવાનું પ્રદૂષણ સતત વધી રહ્યું છે, જે શહેરીજનોના સ્વાસ્થ્ય માટે ચિંતાનો વિષય બન્યો છે. છેલ્લા એક સપ્તાહથી શહેરનો એર ક્વોલિટી ઇન્ડેક્સ (AQI) 200ના આંકડાને સતત પાર કરી રહ્યો છે, જે 'ખરાબ' કેટેગરીનું પ્રદૂષણ સૂચવે છે.
અમદાવાદમાં સતત વધતું હવાનું પ્રદૂષણ
શહેરના મોટાભાગના વિસ્તારોમાં AQI 200થી ઉપર નોંધાઈ રહ્યો છે, જે દર્શાવે છે કે સમગ્ર શહેરમાં હવાની ગુણવત્તા ગંભીર સ્તરે નીચે ગઈ છે. વિવિધ વિસ્તારોમાં નોંધાયેલા AQIના આંકડા મુજબ છે.થલતેજમાં 237 AQI નોંધાયો, સોલામાં 215, ગ્યાસપુરમાં 205, સાઉથ બોપલમાં 212, ગોતામાં 222, ઉસ્માનપુરામાં 219, બોડકદેવમાં 234, મણિનગરમાં 207, એરપોર્ટ વિસ્તારમાં 220, સેટેલાઈટમાં 214, ચાંદખેડામાં 215 AQI નોંધાયો.