ગુજરાતના ઓટોમોબાઈલ માર્કેટમાં અત્યારે એક મોટું પરિવર્તન જોવા મળી રહ્યું છે. ફાડા (FADA) ગુજરાત દ્વારા બહાર પાડવામાં આવેલા માર્ચ ૨૦૨૬ના લેટેસ્ટ રિપોર્ટ અનુસાર, રાજ્યમાં ઈલેક્ટ્રિક વાહનોના વેચાણમાં વૃદ્ધિ નોંધાઈ છે. વૈશ્વિક સ્તરે ચાલી રહેલા યુદ્ધ અને ગલ્ફ દેશોમાં સર્જાયેલી અશાંતિના કારણે ઈંધણના ભાવો અનિશ્ચિત બન્યા છે, જેની સીધી અસર ગ્રાહકો પર પડી રહી છે. આ જ કારણ છે કે હવે ગુજરાતના વાહન ખરીદદારો પેટ્રોલ-ડીઝલના વાહનોને બદલે ઈલેક્ટ્રિક વાહનો (EV) ખરીદવા પર વધુ ભાર મૂકી રહ્યા છે.
રિટેલ વેચાણમાં રૂપાંતર હજુ થોડું ધીમું
ગલ્ફ દેશોમાં ઈરાન-ઇઝરાયેલ-અમેરિકા વચ્ચેના તણાવની સીધી અસર હવે ગુજરાતના ઓટોમોબાઈલ માર્કેટ પર જોવા મળી રહી છે.ઈંધણના ભાવમાં અનિશ્ચિતતાને પગલે રાજ્યના ચાહકો હવે ઈલેક્ટ્રિક વાહનો (EV) તરફ ઝડપથી વળી રહ્યા છે. ફેડરેશન ઓફ ઓટોમોબાઈલ ડીલર્સ એસોસિએશન (FADA) ગુજરાત દ્વારા ઉ જારી કરાયેલા માર્ચ ૨૦૨૬ના રિટેલ રિપોર્ટમાં ડીલરશિપ સ્તરે ઈલેક્ટ્રિક વાહનો માટેની પૂછપરછમાં ૨૦૦% થી ૩૦૦% જેટલો અભૂતપૂર્વ વધારો નોંધાયો છે. જોકે, જેટલી પૂછપરછ થઈ રહી છે તેની સરખામણીએ રિટેલ વેચાણમાં રૂપાંતર હજુ થોડું ધીમું છે.