શહેરના પશ્ચિમ વિસ્તારમાં આવેલા જોધપુર BRTS સ્ટેશન પાસે આજે એકાએક આગ ફાટી નીકળતા વિસ્તારમાં ભયનો માહોલ ફેલાયો હતો. આ આગ એક મેડિકલના ગોડાઉનમાં લાગી હોવાનું સામે આવ્યું છે. ઘટનાની જાણ થતા જ ફાયર બ્રિગેડનો કાફલો ઘટનાસ્થળે પહોંચી ગયો હતો.

અમદાવાદના જોધપુરમાં આગની ઘટના

અમદાવાદના વ્યસ્ત ગણાતા જોધપુર BRTS સ્ટેશન નજીક આવેલા એક મેડિકલ સાધનો અથવા દવાઓના ગોડાઉનમાં અચાનક આગ લાગી હતી. જોતજોતામાં આગે વિકરાળ સ્વરૂપ ધારણ કર્યું હતું અને ધુમાડાના ગોટેગોટા દૂર સુધી જોવા મળ્યા હતા. ઘટનાને પગલે સ્થાનિક લોકોમાં ભારે ફફડાટ ફેલાયો હતો.

ફાયર બ્રિગેડની કામગીરી

આગ લાગવાની જાણ થતા જ ફાયર વિભાગની ટીમો ઘટનાસ્થળે દોડી આવી હતી. ફાયર ફાઈટરો દ્વારા સતત પાણીનો મારો ચલાવીને આગ પર સફળતાપૂર્વક કાબૂ મેળવી લેવામાં આવ્યો છે. સમયસરની કામગીરીને કારણે આગ વધુ પ્રસરતી અટકી હતી અને મોટી દુર્ઘટના ટળી હતી.

આ પણ વાંચો: Unjha:સિદ્ધપુર હાઇવે પર મકતુપુર નજીક ટ્રક અને ઇકો કાર વચ્ચે અકસ્માત, એક મુસાફરનું મોત