અમદાવાદ શહેરમાં છેલ્લા કેટલાક દિવસોથી બદલાતા વાતાવરણ અને મિશ્ર ઋતુને કારણે મચ્છરજન્ય અને પાણીજન્ય રોગચાળાએ માથું ઊંચક્યું છે. શહેરની વિવિધ સરકારી અને ખાનગી હોસ્પિટલોમાં દર્દીઓની લાંબી કતારો જોવા મળી રહી છે, જેમાં ખાસ કરીને વાયરલ ઇન્ફેક્શન અને ડેન્ગ્યુના કેસોમાં મોટો ઉછાળો નોંધાયો છે.
અમદાવાદમાં મચ્છરજન્ય રોગચાળો વકર્યો
આરોગ્ય વિભાગના અહેવાલ મુજબ, છેલ્લા એક સપ્તાહમાં શહેરની હોસ્પિટલોમાં કુલ 14,746 ઓપીડી નોંધાઈ છે. આ આંકડો દર્શાવે છે કે શહેરમાં ઘરે-ઘરે માંદગીના ખાટલા જોવા મળી રહ્યા છે. છેલ્લા સાત દિવસમાં ડેન્ગ્યુના 68 કેસ નોંધાયા છે જેમને હોસ્પિટલમાં દાખલ કરવામાં આવ્યા છે.મેલેરિયાના સૌથી વધુ 597 દર્દીઓએ સારવાર લીધી છે.પાણીજન્ય રોગ ટાઇફોઇડના પણ 4 દર્દીઓ ગંભીર હાલતમાં દાખલ થયા છે.વાયરલ ફીવર અને ઇન્ફેક્શનના 60 થી વધુ નવા દર્દીઓ નોંધાયા છે.