શહેરના રાણીપ વિસ્તારમાં આવેલી આશુતોષ રેસીડેન્સીમાં લોહીના સંબંધો લજવાય તેવી એક ઘટના સામે આવી છે. સામાન્ય પૈસાની લેતી-દેતીના વિવાદમાં એક શખ્સે આવેશમાં આવી જઈને પોતાની જ પત્ની અને પુત્રી પર હિંસક હુમલો કર્યો છે. આ ઘટનાને પગલે સમગ્ર સોસાયટીમાં ચકચાર મચી ગઈ છે.
પૈસાની લેતી-દેતી બની વિવાદનું કારણ
મળતી માહિતી મુજબ, આ પરિવારમાં છેલ્લા કેટલાક સમયથી નાણાકીય બાબતોને લઈને વિવાદ ચાલી રહ્યો હતો. પતિએ પોતાની ફોઈને આપેલા પૈસાની લેતી-દેતી બાબતે ઘરમાં ઉગ્ર બોલાચાલી થઈ હતી. વાત એટલી વણસી ગઈ હતી કે ઉશ્કેરાયેલા પતિએ પત્ની અને પોતાની પુત્રી પર હુમલો કરી દીધો હતો. પતિએ કરેલા આ હુમલામાં પત્ની અને પુત્રી બંનેને ગંભીર ઈજાઓ પહોંચી છે.