ગુજરાત રાજ્યના ગૃહ વિભાગ દ્વારા પોલીસ પ્રશાસનને લઈને એક ખુબ જ મોટો અને મહત્વપૂર્ણ નિર્ણય લેવામાં આવ્યો છે. અમદાવાદ શહેરના કાર્યદક્ષ અને કડક પોલીસ કમિશનર જી.એસ. મલિક (IPS G.S. Malik) ને હવે પ્રમોશન આપીને ગુજરાત રાજ્યના નવા કાયમી પોલીસ મહાનિદેશક એટલે કે ડીજીપી (DGP - Director General of Police) તરીકે નિયુક્ત કરવામાં આવ્યા છે. સરકારના આ આદેશ સાથે જ રાજ્યના ટોચના પોલીસ વડાના પદને લઈને લાંબા સમયથી ચાલી રહેલી અટકળોનો આખરે અંત આવ્યો છે.
જી.એસ. મલિક બન્યા રાજ્યના નવા કાયમી DGP
અત્રે ઉલ્લેખનીય છે કે, અગાઉના કાયમી ડીજીપીની નિવૃત્તિ અથવા બદલી બાદથી રાજ્યના પોલીસ વડાનો વધારાનો ચાર્જ (ઇન્ચાર્જ ડીજીપી તરીકે) સિનિયર આઈપીએસ અધિકારી ડૉ. કે.એલ.એન. રાવ (Dr. K.L.N. Rao) સંભાળી રહ્યા હતા. ડૉ. રાવ અત્યાર સુધી ઇન્ચાર્જ DGP તરીકે કાયદો અને વ્યવસ્થાની સ્થિતિ પર નજર રાખી રહ્યા હતા, પરંતુ હવે સરકારે આ અત્યંત મહત્વના પદ પર કાયમી નિમણૂક કરવાનો નિર્ણય કર્યો છે.
