બિહારના મુખ્યમંત્રીને મોબાઈલ ફોન દ્વારા જાનથી મારી નાખવાની ધમકી આપવાના ગંભીર મામલે અમદાવાદની સાણંદ પોલીસે મોટી સફળતા મેળવી છે. બિહાર પોલીસની તપાસ બાદ મળેલી કડીઓને આધારે સાણંદ પોલીસે આરોપીને સાણંદ-કડી રોડ પરથી દબોચી લીધો છે.
બિહારના CMને ધમકી આપનાર સાણંદથી ઝડપાયો
બિહારના મુખ્યમંત્રીને થોડા સમય પહેલા મોબાઈલ ફોન પર જાનથી મારી નાખવાની ધમકી આપવામાં આવી હતી. આ મામલે બિહારના મુંગેર જિલ્લામાં ગુનો નોંધવામાં આવ્યો હતો. આરોપીનું લોકેશન ગુજરાતમાં ટ્રેસ થતા બિહાર પોલીસ સતર્ક બની હતી અને ગુજરાત પોલીસની મદદ માંગવામાં આવી હતી.
