શહેરના પૂર્વ વિસ્તારમાં આવેલા ન્યુ બાપુનગરના ભક્તિનગર પાસે આજે એક પ્લાસ્ટિકના ગોડાઉનમાં અચાનક ભીષણ આગ ફાટી નીકળી હતી. બાપુનગર ચાર રસ્તા નજીક હોવાથી અને ગોડાઉનમાં પ્લાસ્ટિકનો મોટો જથ્થો હોવાથી આગે જોતજોતામાં વિકરાળ સ્વરૂપ ધારણ કર્યું હતું. આ ઘટનાને પગલે આસપાસના વિસ્તારમાં દોડધામ મચી ગઈ હતી.
ધુમાડાના ગોટેગોટાથી આકાશ કાળું પડ્યું
આગ એટલી ભીષણ હતી કે તેના કાળા ધુમાડાના ગોટેગોટા કિલોમીટર દૂર સુધી આકાશમાં જોવા મળ્યા હતા. પ્લાસ્ટિકના કારણે આગ વધુ ઝડપથી પ્રસરી હતી અને જોખમી ધુમાડો ફેલાયો હતો. ભક્તિનગર જેવા રહેણાંક અને કોમર્શિયલ મિશ્રિત વિસ્તારમાં આગ લાગતા લોકોમાં ભયનો માહોલ જોવા મળ્યો હતો.
