અમદાવાદ શહેરમાં અકસ્માતોની સંખ્યા સતત વધી રહી છે. આ અકસ્માતની સંખ્યામાં વધારો બેદરકારી પૂર્વક વાહન ચલાવવાને કારણે થઈ રહ્યો હોવાની ફરિયાદ શહેરીજનો દ્વારા વારંવાર કરવામાં આવે છે. આવામાં અમદાવાદ શહેરમાં વધુ એક માર્ગ અકસ્માતની ઘટના સામે આવી છે. જેમાં એક બાઈક ચાલકે યુવકને ટક્કર મારવાના કારણે યુવકનું મોત થયું છે.
25 વર્ષીય પ્રકાશચંદ્ર ડીંડોરનું મોત નીપજ્યું
ઘટનાની મળતી માહિતી અનુસાર, અમદાવાદ શહેરમાં આવેલા સીજી રોડ વિસ્તારમાં એક જીવલેણ અકસ્માત સર્જાયો છે. આ માર્ગ અકસ્માતમાં 25 વર્ષીય પ્રકાશચંદ્ર ડીંડોરનું મોત નીપજ્યું છે. અકસ્માત સર્જનાર બાઈક ચાલક પૂર ઝડપે બાઈક ચલાવી રહ્યો હતો, જે દરમિયાન રાહદારીને ટક્કર મારી હતી. આ ટક્કરમાં રાહદારીનું મોત થયું હતું.
