ગુજરાતમાં કાળઝાળ ગરમીનો પ્રકોપ યથાવત રહેતા હજુ પણ લોકોને ગરમીથી કોઈ રાહત મળે તેવી શક્યતા દેખાતી નથી. બીજી તરફ હવામાન વિભાગ દ્વારા રાજ્યના કેટલાક વિસ્તારોમાં બે દિવસ ગાજવીજ સાથે વરસાદની આગાહી કરવામાં આવી છે. વેસ્ટર્ન ડિસ્ટર્બન્સ સક્રિય થતા વરસાદની આગાહી કરવામાં આવી છે. બીજી તરફ અમદાવાદ શહેરમાં કાળઝાળ ગરમીનું એલર્ટ આપવામાં આવ્યું છે. શહેરમાં ત્રણ દિવસ ઓરેન્જ એલર્ટ અપાયું છે.
અમદાવાદ શહેરમાં કાળઝાળ ગરમીનુ એલર્ટ
અમદાવાદ શહેરમાં કાળઝાળ ગરમીનુ એલર્ટ અપાયું છે. આગામી ત્રણ દિવસ ગરમીનું ઓરેન્જ એલર્ટ અપાયું છે. 22થી 2 મે દરમિયાન ભીષણ ગરમી પડી શકે છે. 25થી 28 મે સુધી શહેરમાં ગરમીનું યલો એલર્ટ અપાયું છે. અમદાવાદ મહાનગર પાલિકાએ શહેરમાં 51 સ્થળોને ગરમીના હોટસ્પોટ જાહેર કર્યા છે. વધી રહેલી ગરમી વચ્ચે મનપાએ લોકોને સાવચેત રહેવાની અપીલ કરી છે. શહેરમાં 43 ડિગ્રી સુધી તાપમાન પહોંચવાની આગાહી કરવામાં આવી છે.