શહેરમાં દારૂબંધીના કાયદાના કડક અમલીકરણ માટે PCB દ્વારા સતત દરોડા પાડવામાં આવી રહ્યા છે. આ દરમિયાન મળેલી ચોક્કસ બાતમીના આધારે PCBની ટીમે શહેરના સરદારનગર વિસ્તારમાં ઓચિંતો દરોડો પાડ્યો હતો. આ કાર્યવાહીમાં પોલીસને મોટી સફળતા મળી છે અને વિદેશી દારૂનો જથ્થો ઝડપી પાડવામાં આવ્યો છે.
સરદારનગરમાં PCB ના દરોડા
PCB દ્વારા કરવામાં આવેલા આ દરોડા દરમિયાન સ્થળ પરથી અંદાજે રૂ. 1.74 લાખની કિંમતનો વિદેશી દારૂ મળી આવ્યો હતો. પોલીસે દારૂના જથ્થા સાથે આરોપી અમિત સિંધીની ધરપકડ કરી છે. દારૂ, રોકડ અને અન્ય સામગ્રી મળીને પોલીસે કુલ રૂ. 1.84 લાખનો મુદ્દામાલ કબજે કર્યો છે.
