શહેરના શાહપુર પોલીસ મથકની ટીમે ગેરકાયદેસર ગૌ-માંસના વેચાણ પર સપાટો બોલાવ્યો છે. શાહપુરના કુરેશી ચોક વિસ્તારમાં પોલીસ દ્વારા કરવામાં આવેલી ઓચિંતી તપાસમાં અંદાજે 350 કિલો ગૌ-માંસનો જથ્થો મળી આવતા પોલીસે કાયદેસરની કાર્યવાહી હાથ ધરી છે.
શાહપુરમાંથી ગૌ-માંસનો જથ્થો મળ્યો
શાહપુર પોલીસને ચોક્કસ બાતમી મળી હતી કે કુરેશી ચોક વિસ્તારમાં ગેરકાયદેસર રીતે ગૌ-માંસનો સંગ્રહ અને વેચાણ કરવામાં આવી રહ્યું છે. આ બાતમીના આધારે પોલીસે તાત્કાલિક દરોડો પાડ્યો હતો. આ કાર્યવાહી દરમિયાન પોલીસને સ્થળ પરથી 350 કિલો જેટલું ગૌ-માંસ મળી આવ્યું હતું, જેની કિંમત અને અન્ય સાધનો મળી કુલ રૂપિયા 70,000/- નો મુદ્દામાલ જપ્ત કરવામાં આવ્યો છે.