સ્માર્ટ સિટી અમદાવાદના પોશ વિસ્તારોમાં ગાર્ડન અને લેકની જાળવણીમાં તંત્રની ભારે ઉદાસીનતા સામે આવી છે. થલતેજ વિસ્તારમાં આવેલા પ્રખ્યાત ગોટીલા ગાર્ડનમાં મુલાકાતીઓ પાસેથી એન્ટ્રી ફી વસૂલવામાં આવે છે, પરંતુ સુવિધાઓના અભાવે સહેલાણીઓમાં ભારે રોષ જોવા મળી રહ્યો છે.
લેક ગાર્ડન છે પણ પાણી જ ગાયબ!
ગોટીલા ગાર્ડનની સૌથી મોટી વિશેષતા તેનું લેક (તળાવ) છે. પરંતુ હાલમાં આ લેક શોભાના ગાંઠિયા સમાન બની ગયું છે.મુલાકાતીઓનું કહેવું છે કે જો લેકમાં પાણી ભરવામાં આવે તો ગાર્ડનની સુંદરતામાં અનેકગણો વધારો થાય, પરંતુ તંત્ર પાણી ભરવામાં જ નિષ્ફળ રહ્યું છે. લેકમાં પાણી ન હોવાથી આખું ગાર્ડન ઉજ્જડ જેવું ભાસી રહ્યું છે, જે પ્રવાસીઓ માટે નિરાશાજનક છે.
