ગુજરાતમાં ડ્રગ્સના વધતા દૂષણને ડામવા માટે પોલીસ સતત કાર્યરત છે. ત્યારે અમદાવાદ ગ્રામ્ય એસઓજી (SOG) એ સાણંદ તાલુકાના લોદરીયાળ ગામમાં દરોડા પાડીને મેફેડ્રોન (MD) ડ્રગ્સના જથ્થા સાથે એક આરોપીની ધરપકડ કરી છે. આ કાર્યવાહીમાં પોલીસે લાખોની કિંમતનું નશીલું દ્રવ્ય કબજે કર્યું છે.
ખેતરની ઓરડીમાં ચાલતું હતું નેટવર્ક
ઘટનાની મળતી માહિતી અનુસાર, SOG ને બાતમી મળી હતી કે સાણંદના લોદરીયાળ ગામમાં ખેતરની એક ઓરડીમાં ડ્રગ્સનો સંગ્રહ કરવામાં આવ્યો છે. બાતમીના આધારે પોલીસે રેડ કરતા ત્યાંથી 64 ગ્રામ MD ડ્રગ્સ મળી આવ્યું હતું, જેની બજાર કિંમત અંદાજે રૂપિયા 1.92 લાખ થાય છે. પોલીસે સ્થળ પરથી નરેશભાઈ ઉર્ફે ગોપાલભાઈ કોળી પટેલ નામના શખ્સની ધરપકડ કરી છે.