અમદાવાદની શાન ગણાતા સાબરમતી રિવરફ્રન્ટ પર આજથી દેશભક્તિનો અનોખો માહોલ જોવા મળી રહ્યો છે. રાષ્ટ્રગીત 'વંદે માતરમ'ની રચનાના 150 વર્ષ પૂર્ણ થવાના અવસરે ભારતીય સેના દ્વારા વિશેષ આર્મી બેન્ડ પ્રદર્શનનું આયોજન કરવામાં આવ્યું છે.
દેશભક્તિના ગીતોની રમઝટ
આ કાર્યક્રમમાં ભારતીય સેનાના જવાનોએ શિસ્તબદ્ધ રીતે અલગ-અલગ દેશભક્તિના ગીતો અને લશ્કરી ધૂન પર બેન્ડ વગાડીને અમદાવાદીઓને મંત્રમુગ્ધ કરી દીધા હતા. આર્મી જવાનોની આ પ્રસ્તુતિએ ઉપસ્થિત લોકોમાં રાષ્ટ્રપ્રેમની ભાવના જગાડી હતી. આ આયોજનનો મુખ્ય ઉદ્દેશ્ય નાગરિકો, ખાસ કરીને યુવાનો સેનાની શિસ્ત અને દેશભક્તિથી પરિચિત થાય તેવો છે.
