અમદાવાદમાં હાલ હીટવેવની ગંભીર અસર જોવા મળી રહી છે. તાપમાનનો પારો સતત ઉંચકાઈ રહ્યો છે ત્યારે નાગરિકોને ગરમીથી રાહત મળે તે માટે અમદાવાદ મ્યુનિસિપલ ટ્રાન્સપોર્ટ સર્વિસ (AMTS) દ્વારા એક સરાહનીય નિર્ણય લેવામાં આવ્યો છે. શહેરના વ્યસ્ત AMTS બસ સ્ટેશનો પર મુસાફરો માટે ખાસ 'મિસ્ટિંગ ફુવારા' લગાવવામાં આવ્યા છે.
બપોરના સમયે ફુવારા દ્વારા મળશે ઠંડક
હીટવેવની આગાહીને ધ્યાનમાં રાખીને, જ્યારે ગરમીનું પ્રમાણ સૌથી વધુ હોય છે તેવા બપોરના સમયે આ ફુવારા ચાલુ રાખવામાં આવશે. આ ફુવારા દ્વારા છાંટવામાં આવતા પાણીના ટીપાંથી સ્ટેશન પર રાહ જોઈ રહેલા મુસાફરોને ગરમીમાં થોડી રાહત અને ઠંડકનો અનુભવ થશે.
