ગુજરાતી લોક ગાયક કાજલ મહેરિયાએ લગ્ન કર્યા બાદ વિવાદ વકર્યો હતો. તેનો પરિવાર તેના લગ્નની વિરોધમાં હતો. આ દરમિયાન થોડા સમય પહેલા જ ખુદ કાજલે સોશિયલ મીડિયામાં એક વીડિયો શેર કરીને કહ્યું હતું કે, મેં મારા ભવિષ્ય માટે જાતે જ નિર્ણય લીધો છે. મારો પહેલો અને છેલ્લો જવાબ આ જ છે. મારા પતિ અલ્પેશ અને તેના પરિવારને ધમકીઓ અપાઇ રહી છે. હવે કોઇ આ વિષય પર બોલશે તો કાયદાકીય કાર્યવાહી થશે. હવે તેના પતિ પર જીવલેણ હુમલો કરવામાં આવ્યો છે.

કાજલ મહેરિયાના પતિ પર જીવલેણ હુમલો

લોકગાયિકા કાજલ મહેરિયાના પતિ પર જીવલેણ હુમલો કરવામાં આવ્યો છે. માંડલ તાલુકાના ડઢાણા ગામમાં કાજલ મહેરિયાના પતિ પર જીવલેણ હુમલો કરવામાં આવ્યો છે. આ હુમલાનો વીડિયો સોશિયલ મીડિયામાં વાયરલ થયો છે. કાજલ મહેરિયાએ આ હુમલાને લઈને આક્ષેપ કરતાં કહ્યું હતું કે, અગાઉથી જ અમને ધમકીઓ મળતી હતી. આ હુમલાને લઈને અનેક પ્રકારની અટકળો શરૂ થઈ ગઈ છે.

અગાઉ કાજલે એક વીડિયો જાહેર કર્યો હતો

કાજલ મહેરિયાએ પ્રેમ લગ્ન કર્યા બાદ તેના પતિ અને સાસરીપક્ષના લોકોને સતત ધમકીઓ મળતી હોવાના ગંભીર આક્ષેપો કરવામાં આવ્યા છે. કાજલે તેના લગ્ન બાદ એક વીડિયો સોશિયલ મીડિયામાં પોસ્ટ કર્યો હતો. જેમાં તેણે કહ્યું હતું કે, ઘણા સમયથી મારા લગ્નને લઈને વિવાદ ચાલી રહ્યો છે. ઘરની વાત ઘરમાં રહે તે માટે મેં બોલવાનું ટાળ્યું છે. મેં મારી મરજીથી પુખ્તવયે અલ્પેશ સાથે લગ્ન કર્યાં છે. કોઈ દબાણ અને ધમકીથી લગ્ન નથી કર્યા. ભારતીય બંધારણ પ્રમાણે મેં લગ્ન કર્યા છે. દોઢ વર્ષથી મારા અને અલ્પેશ વચ્ચેના સંબંધોને લઈને મારા પરિવારને જાણ કરી હતી. પરિવારને તે મંજૂર નહોતુ.

આ પણ વાંચોઃ Gujarat News: આવતીકાલે સોમનાથમાં વડાપ્રધાન મોદી રોડ શો કરશે, પૂજા વિધિ બાદ જનમેદનીને સંબોધશે